"لو تسمحي
يا صبيتي
أنحت ملامح بشرتي
من بسمتك "
وعمري يفوت
أعيش وأموت
وانا كل هدفي إني أسعدك
وإنك تكوني
حياتي ونور عيوني
وأكون بجد جوه قلبك
ودايما معاكي في سكتك
إيديا تمسح دمعتك
أو حتى أكون
في السكون
ونس وصحبة لوحدتك
لو تسمحي
يا صبيتي
أكتب حروف كلمتي
من غنوتك
وافتح ابواب الإبتسام
من ضحكـتك
ولا أسمع من كل الكلام
غير همستك
تنهيدتي من بين الضلوع
تطلع مشتاقة لطلتك
ده انا كل أيامي
كنت بستناكي
وعينيا يا عيوني
تتمنى رؤياك ِ
ده انا روحي يا روحي
والله عشقتك
ده أنا عمري قبليكي
أهه عدى وإنصرف
وحبي يا حبي
للدنيا يتعرف
ولو تسأليني !
أنا ليا عظيم الشرف
انك تـــحـــبـــيـــنـــي
أو إني أكون حتى
كلمة جوة قصتك
كلمة عمرها ما تنمحي
لو تسمحي ...
......................................................................
محمد هشام
8-1-2007
الجزء الأول منقول بس مش فاكر منين
13 comments:
يا نهار ابيض...لأ بوست يستاهل رد و مش اى رد و اول تعليق كمان....بجد الكلام منتهى الرقة و الجمال بجد
تحياتى
السلام عليكم ورحمة الله وبركاته
اكيد تسمح ومين يلاقي الحب ومايسمحش
مش عايزه ادخل في اللغه
بس الكمات عظمها عجبني ماعدا
من غير
زعل
ده أنا عمري قبليكي
أهه عدى وإنصرف
مش عارفه حاسه ان المعنى كنت ممكن تبدع فيه احلى من كده وبالذات كلمة تنصرف حستها تقيله شويه
تقبل مروري
تحياتي
الى اللقاء
الله عليك
جميل يا بشمهندس
الله على الكلمات بجدجميله
هايل كالعادة يامحمد
رقيقة اوي يا محمد ..
بس عارف .. بيني و بينك .. اسوأ ما فيها " لو تسمحي " ..
عشان مفيش استئذان في الحب .. مينفعش ..
صح و لا ايه ؟؟
تحياتي الشديدة لرقة الكلمات و الاسلوب.. و لاختيار الصورتين اللي فوق كمان :)
Dina
بجد ... دائما أول من يزوروني
..........................
Kemet
وعليكم السلام ... يا هلا
من غير زعل طبعا ... ده رأيك ، اهه ساعات الوزن بيحكم بس هيا فعلا تقيلة
هاخد بالي ان شاء الله
نورتي
.......................
Wafaa
merci ... نورتي
........................
لبنى
شكرا لمرورك على صفحتي المتواضعة ...
.........................
آية
ممممممممممم ... وجهة نظر برضه ، نورتي فين وفين لما بتيجي
..........................
والسـ ختام ــلام
اولا ازيك
ثانياميرسي لمرورك عندى
ثالثا انا عاوزة اقولك حاجه انا ماسكة القسم الادبي في مجلة اليومين دول اول عددهيكون اول 4 ان شاء الله
لو حابب تكتب معانا فيه سيبلى ااميلك وانا هكلمك
مــحــمـــد
خطييييييييرة جدا على فكرة
اه والله جامدة جدااااااا
رقيقة ورهيبة وجميلة وفظيعه وكل كل الحاجات
خطيرة خطيرة يعني
تسلم ايدك
miro el niro kwaniro
لبنى
انا الحمد لله كويس ... ومروري عندك دايما بيسعدني
وبالنسبة لموضوع المجلة انا سبتلك الايميل عندك في المدونة ...
merci
...........................
كراكيب
كل الحاجات دي !!!؟
شكرا
نورتيني
:D
..............
والسـ ختام ــلام
ايه يا مــحــمــــــــــد
اييييييييييييييه
بوستك الجاي هيبقى في راس السنة الجديدة واللا ايييييييه
لا مش كدة
لا لا لا لا مش موافقة انا لأ
انت كويس وتقلان طيب؟؟ واللا انت ايييييه بالظبط؟؟؟؟ لا ادخل قول
ماشي
طيب
هه
اوكي
miro el niro kwaniro
والله يا ميرو منا عارف أنا ايه !!! مشغووول جدا والله وعندي حاجات كتير وبسافر وامتحانات وحاجات كتير فوق بعضها ... وهو البني آدم ايه غير شوية حاجات فوق بعض ...
انا الحمد لله كويس وميرسي عـ السؤال ، وان شاء الله هكتب قبل راس السنة الجاية متقلقيش
نورتي
والسـ ختام ــلام
(كلمة جوة قصتك
كلمة عمرها ما تنمحي
لو تسمحي ...(
جميلة اوى
ربنا يوفقك
و الصور عجبتنى اوى
Merci ... it has been so long since the last time you were here ,
wish you good luck ...
Post a Comment