"لو تسمحي
يا صبيتي
أنحت ملامح بشرتي
من بسمتك "
وعمري يفوت
أعيش وأموت
وانا كل هدفي إني أسعدك
وإنك تكوني
حياتي ونور عيوني
وأكون بجد جوه قلبك
ودايما معاكي في سكتك
إيديا تمسح دمعتك
أو حتى أكون
في السكون
ونس وصحبة لوحدتك
لو تسمحي
يا صبيتي
أكتب حروف كلمتي
من غنوتك
وافتح ابواب الإبتسام
من ضحكـتك
ولا أسمع من كل الكلام
غير همستك
تنهيدتي من بين الضلوع
تطلع مشتاقة لطلتك
ده انا كل أيامي
كنت بستناكي
وعينيا يا عيوني
تتمنى رؤياك ِ
ده انا روحي يا روحي
والله عشقتك
ده أنا عمري قبليكي
أهه عدى وإنصرف
وحبي يا حبي
للدنيا يتعرف
ولو تسأليني !
أنا ليا عظيم الشرف
انك تـــحـــبـــيـــنـــي
أو إني أكون حتى
كلمة جوة قصتك
كلمة عمرها ما تنمحي
لو تسمحي ...
......................................................................
محمد هشام
8-1-2007
الجزء الأول منقول بس مش فاكر منين
