وحشتيني
يا ساكنة ف قلبي و ف عيني
يا أجمل قدر ف الكون
وأحلى رقة وعيون
بنظرة منها تحييني
وحشتيني
.............
وحشني كلامك الحاني
ده صوتك كل ألحاني
تعالي خديني من تاني
و جوه عينيكي خبيني
وحشتيني
..............
وحشني عطرك الصافي
و طيبة قلبك الدافي
وحشني كل ما فيكي
يا ساكنة في كل تكويني
وحشتيني
..............
عيونك موطني وداري
وحبك جنتي وناري
عايشلك ليلي ونهاري
طول أيامي وسنيني
وحشتيني
...............
أبعد وأرتحل لكن
حبك ف قلبي ساكن
ولا غيره طول السفر
ولا غيره بعد الأماكن
ودايما ناره تكويني
وحشتيني
.................................................
محمد هشام
27-11-2008