معرفش ليه تنّحت للدنيا كده
فجأة لقيتني مسكون بالملل
لا عندي رغبة في البكا ولا في الكلام ولا عارف أنام
ولا حتى بسأل إيه ده إيه و أخرتها إيه و إيه العمل
و أخاف أقول لأي حد
أحسن يقوم يقلبها جد
حد صاحبي ينزعج
يمد إيده في قلبه من باب الكرم
عشان يشاركني الألم
أو يستلفلي من لئيم حبّة أمل
حالة كده .. معرفش إيه
حالة كده ملهاش معالم
ساعات تزورني في الربيع .. في الحر .. و في عز الشتا
و تجيب حاجات لا فيها روح ولا ميتة
لكني برجع منّها بعد السكات .. فاهم شوية في اللي فات
حاسس أوي بحزن الصحاب .. محظوظ أنا
ساعات أشاور ينفتحلي ألف باب
لكنّي بغلط في الحساب
معرفش ليه
..............................
منقول
على سلامة
على سلامة
4 comments:
هى وقفة للتامل فى الحياه
واعتذر عن غيابى الغير مسبب والذى هو مجرد حالة كده
حب الاختفاء والسكون
سلامات
هكذا هو حالنا
**************
حالة كدة
دي من الأشعار اللي بموووووت فيها للعبقري البسيط علي سلامة
اختيار منك زي الفل يا محمد
miro el niro kwaniro
اه صحيح.. اخبار امتحاناتك ايه؟؟؟
wafaa
حمد الله على السلامة
نورتي
..................
بسبوسة
على رأيك
..................
كراكيب
شكرا ... دايما رافعة معنوياتي
امتحاناتي ... حسبي الله وعم الوكيل في كل من كان سببا في اللي بيحصل فينا ده انا عندي اربع امتاحانات شفوي في يومين ورا بعض بكرة وبعده ، وبعد كل يومين كمان ورا بعض
واسبوع وتبتدي امتحانات الترم
ادعولناااااااااااااااا
.............
والسـ ختام ــلام
Post a Comment