Happy Birthday ("v")

عقبال ميت سنة
كلها فرح وهنا
وعيد ميلاد سعيد
يا رب كل سنة
النهاردة ببقى أنا
أسعد واحد في الكون
وبسيب الناس والدنيا
وأغرق في بحر عيون
ومانيش عوام لكن يا سلام
من الفرحة بقيت مجنون
يا رب الفرح يطول
وعمرك ما تشوفي أحزان
يا رب ليكي يكون
الخير في كل مكان
والنهاردة في يوم ميلادك
يا رب يهون عليا بعادك
لو فكرتي فيا شوية
يمكن نختصر مسافات
وتلاقيني فجأة قصادك
أقولك كلام
من غير كلام
تسمعيه
أقولك بحبك
وأحضن فؤادك
وأقوك ده أحلى يوم
كان يوم ميلادك
النهاردة ببعتلك وردة
تبقى ليكي هدية
وعلى حبنا شاهدة
وتقولك حبيبتي يحرم عليا
بعدك تفرح عينيا
وتدعيلك يا رب يسعد أوقاتك
النهاردة في يوم ميلادك ...

....................................

محمد هشام