مـــا بــحــبــكــيــش

ما بحبكيش ...
أنا بعشقك ...
تنهيدتي من بين الضلوع ...
تطلع تندهك ...
لو يوم تفرحي قلبي الحزين ...
بكلمة حلوة ...
تريحني ... وتريحك
ما بحبكيش ...
أنا بعشقك ...
قد اللي فات من عمري ...
واللي باقي ...
قد شوقي واشتياقي ...
قد خوفي عليكي ياللي ...
قلبي محتاجلك تمللي ...
تسنديه وتكوني جنبه ...
تغفريله كل ذنبه ...
تنسيه كل اللي فاته ...
ده انتي روحه وكمان حياته ...
وفي بحر حبه تدوبوا سوا ...
تغرقيه ... ويغرقك
ما بحبكيش ...
أنا بعشقك ...
شايفة في بعدك ...
النهار ... ازاي وحش
حتى النسيم منه اختفى ...
أصله لسة على عهد الوفا ...
عمره ما ييجي ...
الا اما تتكلمي ...
والليل ... لساه حزين
والقمر برضه غايب ...
كأنه حالف ميت يمين ...
عمره ما يطلع ...
الا اما تتبسمي ...
عايزة النسيم يرجع هواه ...
والقمر يرجع سماه ...
والعمر تيجي بهجته ...
وأنسى مرارة قسوته ...
اتبسمي ...
واتكلمي ...
قولي وأنا قلبي مصدقك ...
ما بحبكيش ...
أنا بعشقك ...

to be continued

محمد هشام